Центарот за дигитална трансформација - ГоДигитал обезбедува финансиска поддршка и експертиза за дигитализација на ММСП со ваучери

[Скопје, 10.07.2024] – Центарот за дигитална трансформација - GoDigital организираше информативен настан и работилница за микро, мали и средни претпријатија (ММСП) кои имаат за цел да го унапредат своето работење преку дигитализација. Како важен дел од програмата на ГоДигитал, во изминатиот период беа обучени консултанти за дигитализација. Оттука, на настанот беа доделени меѓународно признати сертификати на 17 извонредни консултанти, кои се опремени да им помогнат на ММСП во нивните напори за дигитална трансформација и да ги водат низ целиот процес.

GoDigital

Покрај сертификатите, настанот ја истакна посветеноста на GoDigital за финансиска поддршка на ММСП.

„Нашата мисија е да создадеме еко-систем во Македонија кој ќе ја поттикнува и поддржува дигиталната трансформација на компаниите. Вака значајна улога може да одигра само непрофитна организација, каква што е всушност ГоДигитал, основана од Македонија2025.„
– истакна Проф. Никица Мојсоска Блажевски, директор на Центарот.

Јован Димитров, менаџер на програми во ГоДигитал смета дека во оваа почетна фаза на развој на дигитално општество и бизниси во Македонија, неопходна и финансиска поддршка на компаниите. Оттука, ГоДигитал нуди и ваучери за кофинансирање кои се движат од 6.000 до 10.000 евра за покривање на трошоците за имплементација на дигитални решенија кои ќе ја зголемат продуктивноста на компаниите„.

„Но, поддршката не застанува само кај компаниите, туку Центарот е посветен на поттикнување и на ИКТ компаниите од земјата да развиваат локални дигитални решенија применливи за ММСП преку нивното вклучување во каталогот на дигитални решенија.“
– дополни Васко Кроневски, ко-основач на Центарот.

На настанот, дел од сертифицираните консултанти презентираа и неколку успешни примери на компании кои преку дигитализација постигнале значајни резултати мерени преку зголемена профитабилност, зголемено задоволство на клиенти, намалено време на производство и подобрен квалитет на производи и услуги кај компаниите.

GoDigital

Придружете ни се во обликувањето на иднината

Центарот за дигитална трансформација - GoDigital останува посветен на поттикнување на иновациите и растот во секторот за ММСП. Ги покануваме ММСП да ја искористат оваа единствена можност да соработуваат со нашите сертифицирани консултанти и да имаат корист од нашата поддршка за кофинансирање.

За повеќе информации, посетете го godigital.mk или контактирајте не на jovand@godigital.mk

GoDigital

За Центарот за дигитална трансформација - GoDigital

Центарот за дигитална трансформација - GoDigital е водечка непрофитна институција во Македонија, посветена на зајакнување на ММСП преку дигитална трансформација. Нашата мисија е да обезбедиме сеопфатна поддршка, вклучувајќи стручни насоки и финансиска помош, за да им помогнеме на бизнисите да напредуваат во дигиталната ера.

Голема благодарност до сите наши партнери и поддржувачи: Швајцарската Програма за зголемување на пазарната вработливост – ИМЕ, Клириншка куќа КИБС АД Скопје и VISA Southeast Europe.

GoDigital

Новости и соопштенија

Категории

Колачиња

Поставки за колачиња

Задолжителни колачиња

Аналитички колачиња

Маркетинг колачиња